Ey Dost!

Ernesto Gevara de la Serna Linç “Çe” (isp. Ernesto Che Guevara Lynch de la Serna; 14 iyun 1928 – 9 oktyabr 1967) – Argentinalı marksist-inqilabçı və siyasətçi. Fidel Kastro ilə birlikdə Kuba və beynəlxalq inqilab hərəkatının rəhbərlərindən olmuşdur. Adındakı “Çe” hissəciyi Kuba partizanları tərəfindən verilmişdir, argentinalılar üçün xarakterik müraciət forması olub, “ey”, “dost” və s. mənalarda işlənir.

18 Yanvarda…

                                                                Doğumlar

1689 – Fransız Filosofu Şarl Lui Monteskyö (Charles-Louis de Secondat, Baron de La Brède et de Montesquieu)

Türkiyə İncəsənəti

Türkiyə incəsənəti iki əsas mərhələyə bölünür: Səlcuq dövrü (XI-XII əsrin ortaları) və Osmanlı türklərinin dövlət yaratdığı dövr (XIV əsrin əvvəli-XX əsrin əvvəlinə kimi). XI əsrdə Səlcuq türkləri nəhəng bir dövlət yaratdılar.

Görkəmli Rəssam – Bəhruz Kəngərli(1892-1922)

  Parlaq istedada malik olan  Bəhruz Kəngərli çox qısa, lakin mənalı ömür yaşamışdır. O, 1892-ci il yanvarın 10-da Naxçıvanda ziyalı ailəsində anadan olub.

 

Kiçik yaşlarından balaca Bəhruzun şəkil çəkməyə böyük həvəsi var idi. Ona görə də atası onu təhsil almaq üçün 1910-cu ildə Zaqafqaziyada yeganə olan Tiflis Rəssamlıq Məktəbinə qoyur. 1915-ci ildə Bəhruz Kəngərli Tiflisdə rəssamlıq təhsilini başa vuraraq Naxçıvana qayıdır və peşəkar rəssamlıq təhsili almiş ilk rəssam kimi geniş yaradıçılıq fəaliyyətinə başlayır. Bir-birindən dəyərli əsərlər yaradır. Realist boyakarlıq sənətinin əsasını qoyur. Boyakarlıq  sənətinin yeni forma, janr və təsvir vasitələri ilə zənginləşdirir.

Tarixdə Bu Gün…

Bu gün Məşhur Boks Ustası Məhəmməd Əlinin Doğum günüdür…

Rus Yazıçısı Anton Çexov da bu gün dünyaya göz açmışdır…

Doğumlar, Dünyada Baş vermiş hadisələr….

Qara Yanvar

Qara Yanvar və ya 20 Yanvar faciəsi — 1990-cı il, yanvarın 19-dan 20-nə keçən gecə Sovet ordusunun, erməni quldur dəstələri ilə birgə Azərbaycan xalqına qarşı həyata keçirdiyi terror aktı.

Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 yanvarında ölkəmizə qarşı ərazi iddiaları irəli sürən Ermənistanın təcavüzkar hərəkətlərindən və keçmiş SSRİ rəhbərliyinin onlara havadarlığından hiddətlənən, Bakının küçələrinə və meydanlarına çıxaraq buna öz qəti etirazını bildirən geniş xalq kütlələrinə qarşı sovet ordusunun döyüş hissələrinin yeridilməsi Azərbaycanda misli görünməmiş faciəyə gətirib çıxardı. Həmin faciəli günlərdə öz ölkəsinin, xalqının azadlığını, şərəf və ləyaqətini hər şeydən uca tutan mərd Vətən övladları canlarından keçərək şəhidlik zirvəsinə ucaldılar. ^[1]

Hitler və Stalinə yeni baxış bucağı

Oliver Stoun

Tanınmış Hollivud rejissorunun yeni serialı buna həsr olunacaq

“İtv.az” “The Hollywood Reporter”-a istinadən xəbər verir ki, tanınmış Hollivud rejissoru Oliver Stoun 20-ci əsrdə Hitlerin və Stalinin oynadığı rol barədə amerikalılardakı təsəvvürləri dəyişmək niyyətindədir. Bu barədə rejissor özünün yeni layihəsinə – “Amerikanın gizli tarixi” serialına həsr olunmuş mətbuat konfransında açıqlama verib. 
Rejissor deyib: “Stalin, Hitler, Mao- bu siyasətçiləri onların yaşadıqları dövrün xüsusiyyətləri nəzərə alınmadan hər tərəfli tənqid ediblər. Halbuki, Stalin birmənalı fiqur dyil. Axı, o nəhəng alman hərbi maşını qarşısında tək başına dayanmalı olub. Bu maşının sındırlmasında o hamıdan çox iş görüb.  Dünya tarixinə təsir göstərən şəxsiyyətlərin xarakteristikasını sadələşdirmək olmaz. Həmin Hitlerdir ki, hələ çoxdan tarixin günah keçisi olub. Axı, onu konkret hadisələr, o dövrün dünya liderləri ərsəyə gətirib”.
Rejissor həmçinin vurğulayıb ki, amerikalılar I və II-ci Dünya müharibələri arasındakı əlaqədən xəbərsizdirlər: “Biz çalışırıq ki, tamaşaçılarımıza keçən əsrdə baş vermiş hadisələrə başqa yöndə baxmağa kömək edək. Ən azı Almaniyada nasist partiyasının dirçəlməsi və maliyyələşdirilməsi məsələsində. Neçə Amerika korporasiyası bu rejimlə əməkdaşlıq edib? Demək olar ki, General Motorsdan tutmuş IBM-a qədər hamısı. Halbu ki,  ilkin dövrlərdə Hitleri aradan qaldırmaq o qədər də çətin məsələ deyildi “ deyə Stoun üzünü konfrans iştirakçılarına tutub.
Rejissor həmçinin Harri Trumenin Xirosima və Nagasakinin nüvə bombardımanına məruz qoymaq qərarının motivlərinə, soyuq müharibəni doğuran əsl səbəblərə, həmçinin Vyetnam müharibəsinin səbəblərinə aydınlıq gətirməyə səy göstərəcək.
Serialın son hissəsində ABŞ-in müasir dövrdəki rəhbərliyində “sülh” və “müharibə” bloklarının mübarizəsindən söhbət açılacaq.
Serialın premyerası 2010-cu ilin ortalarında “Showtime” televiziya şəbəkəsində baş tutacaq.

Mariinskiy Teatrının solistləri Bakıda çıxış edəcəklər

Onlar P. Çaykovskinin “Qu gölü” baletini ifa edəcəklər

Yanvarın 23-də Azərbaycan Dövlət Akademik Opera və Balet Teatrında Sankt-Peterburqun Mariinski Dövlət Akademik Opera və Balet Teatrının aparıcı solistləri, Rusiyanın əməkdar artistləri Anastasiya Koleqova və Danil Korfuntsey çıxış edəcəklər. Azərbaycan Dövlət Akademik Opera və Balet Teatrının mətbuat xidmətindən verilən məlumata görə, teatr rəhbərliyinin dəvəti ilə onlar P. Çaykovskinin “Qu gölü” baletinin tamaşasında baş rolları Odetta-Odilliya və Şahzadə Ziqfriq rollarını ifa edəcəklər.
Anastasiya Koleqova hazırda Rusiyanın tanınmış balet ulduzlarından biridir. Onun dünyanın bir sıra ölkələrində – Böyük Britaniya, Almaniya, Yaponiya, Fransa, İsveçrə, İtaliya, Hollandiya, Belçika və s. qastrolları uğurla baş tutub.
A.Koleqova da klassik balet sənətinin ulduzları sırasında önəmli yer tutur. A. Koleqovanın tərəf-müqabili D. Korfuntsev və Mariinski Teatrının istedadlı

Məşhur skripka ifaçısı Bakıda konsert verəcək

 Konsertdə qonaqdan başqa əməkdar artist Murad Adıgözəlzadə də çıxış edəcək 

“İtv.az” xəbər verir ki, fevralın 7-də dünyaca tanınmış skripka ifaçısı Qidon Kremer Bakıda konsert verəcək. Azərbaycan Dövlət Filarmoniyasında baş tutacaq konsertdə skripkaçı özünün “Kremerata Baltika” Kamera Orkestri ilə birgə çıxış edəcək. Konsertin təşkilatçılarından olan Nəzakət Qasımovanın verdiyi məlumata görə, konsertdə solist qismində Qidon Kremerdən başqa Azərbaycanın əməkdar artisti Murad Adıgözəlzadə də çıxış edəcək. Konsertin proqramında Motsart və Qaydnın mahnıları ifa olunacaq.
Qeyd edək ki, Bakıda çıxış edəcək məşhur skripka ifaçısı Qidon Kremer çoxsaylı mükafatlar qazanıb. Eyni zamanda musiqiçi Çaykovski adına beynəlxalq musiqi müsabiqəsinin, “Grammy” mükafatı və Liberti və Rolf Şok kimi mükafatların sahibidir.